港姐變髮|「星二代」關楓馨抱平常心 盧淑儀賣口乖

20210622
東網電視
更多新聞短片
新一屆港姐繼續分批整頭髮,有8位佳麗今早到銅鑼灣髮型屋,包括關禮傑女兒關楓馨(Fabienne)、「大鼻馮盈盈」余詠童 (Trixie)、「翻版吳謹言」王嫿嫿、王嘉慧 (Cathy)、Penny、以Tube Top「戰鬥格」上陣的邵初(Kristy)、低胸衫騷身材的余曉蕙(Angel),以及由媽媽陪同的趙美倫(Mona),其中身穿波鞋的關楓馨一身隨意打扮到場,笑言因為落雨緣故。
關楓馨整了5個多小時終於出來,見她一頭曲髮更明顯,講到她身為星二代,問到可有壓力?她坦言:「唔會特別有壓力,會盡力做好本分,平常心。」Angel及Mona逗留了一個鐘左右就走,見她們似乎沒大變化。邵初變髮後以一頭長曲髮示人,又主動向記者講辛苦晒,表示修剪了和染髮,很滿意新造型:「開心有呢個機會。(見你好有信心?)自己要有信心先得。」而Trixie就剪短了少少及染深了,滿意新髮型,但希望減5磅,因其他佳麗都很瘦,而Cathy的一頭長直髮就剪短做及肩曲髮。
一身古銅色皮膚的莫韻諰(Vincy)指髮型師為她修剪了半劉海髮型,亦增加了頭髮層次感,相當滿意。講到她在社交網放有不少性感泳衣相,當中「趷籮」照更相當噴血,問到可擔心影響選美形象?她說:「其實性感相唔係好多,都係喺沙灘影,自己好鍾意運動、沙排、滑水,有時都係攞吓甫士同朋友影吓相,絕對唔係賣弄性感。」
當中盧淑儀(Chole)最快整完頭髮約下午1時許離開,但髮型前後似乎變化不大,問到是否不願髮型師作出大幅修剪?她說:「唔係,都任由髮型師設計,修剪咗前面嘅劉海。(講到名字與前港姐冠軍盧淑儀撞名,可有信心奪冠?)盡我所能啦。(係咪好鍾意聽李克勤嘅歌?)都有唱佢啲歌㗎,哈哈。」而馬祖雁(Joan)也剪了劉海。
身形相當纖瘦僅90多磅的伍韻婷(Juliana),自言是瘦底,她在髮型屋坐足6個鐘整頭,笑謂坐到腰骨痛,她說:「第一次去salon漂染,喺美國都係自己上網學剪頭髮,因為試過叫髮型師剪2、3吋,但係就剪咗剪5、6吋,所以都驚咗。」馬嘉希(Nicole)坐足7個半鐘,由紅髮染成深啡色頭髮,她感覺染髮後變得斯文,又自言是經常染頭髮,紅色、藍色及紫色都染過,由中午坐到天黑也是等閒,但她雖然有「蒲味」卻稱不喜愛夜蒲。