為後人種樹！陳欣妍幫「囝囝」改名9527

藝人陳欣妍（Shirley）日前出席植樹活動，要背上數公斤的植樹工具徒步前往鹿巢山種樹，Shirley雖然外表弱質纖纖，期間率先走到隊頭充滿幹勁，她表示：「因為疫情冇得周圍去，所以不時約朋友一齊行山，反而唔會約男友（沈震軒），我估呢方面我應該叻過佢。呢日天氣相對都比較熱，有少少吃力嘅，但係植樹呢件事實在太有意義喇，所以辛苦少少都唔緊要。」期間Shirley大汗疊細汗，更小心翼翼放下樹苗：「我當呢啲樹係自己個『囝囝』嚟㗎啦！因為佢哋20年之後，先會同我差唔多高，我頭先幫佢改咗個名叫『9527』，20年後帶埋下一代嚟欣賞我嘅『傑作』，只要諗長遠啲，就唔會介意當刻嘅辛苦，因為植樹係比我哋嘅下一代享受。」

講到工作，她透露正為卡通片配音，更學會用丹田鬧交：「收到劇本之後梗係要練習，但係角色要我扮啲小朋友聲線，仲要不時撒嬌語氣添！原來配音真係好辛苦，依家學識用丹田去鬧人，所以冇咩嘢真係咪撩我鬧交。」