AGA升呢做姨姨 隔空同姨甥女合照

2021年06月23日 08:05
東網電視
更多新聞短片
AGA(江海迦)「升呢」做姨姨!佢喺社交平台出Post開心宣布喜事,仲好感動話張相係同姨甥女嘅第一張合照,見到相中B女眼大大、又有勁深嘅雙眼皮兼頭髮濃密,相當得意!AGA留言話係喺拍攝期間收到好消息,趁有時間就即刻同身在澳洲嘅屋企人Video call,隔住個Mon睇到啱啱出世嘅姨甥女,令佢突然好大感觸,覺得生命真係好神奇。
同時,AGA亦帶點遺憾話,原來佢呢日本應該可以都喺現場見證呢一個重要嘅時刻,無奈因為疫情,呢段長時間都要同屋企人分隔兩地,所以佢話一邊Video call,心裏面一直都百感交集︰「想到與他們分隔異地,便感覺距離好遠好遠。但當看到面上露出欣喜笑容的爸媽、身心俱疲的姐姐,還有感動得在哭的姐夫時,又感覺我們其實很近。這兩年因為疫情,我們都彷彿與身邊的家人朋友距離遠了;但同時又好像因為少了見面而更珍惜大家,反而把距離拉近了一點。但願疫情快點過去,回復正常的生活;每人都健康快樂,能夠與最愛的在一起。」