【時肥時瘦】鍾欣潼抱貓慶生驚變「火柴嬌」

藝人鍾欣潼（阿嬌）養有一隻超可愛嘅貓貓，身為貓奴嘅佢當正寵物好似仔女一樣，最近貓貓生日，阿嬌就為佢準備蛋糕慶祝，佢喺社交平台上載為貓貓慶生嘅照片，而且仲送上香吻一個！不過焦點絕對唔會係慶生上面，而係身形變幻莫測嘅阿嬌，雖然相中嘅佢穿上寬鬆衣服，但係露出嘅手臂似火柴般非常纖幼，而之前脹卜卜嘅Pizza面，已經變番巴掌面，驟眼睇仲有少少撞樣何超蓮，短時間變化咁大，真係估你唔到！