【原來係爺孫戀】相差近40年！李龍基索妻未夠30歲

現年69歲的「御用皇帝」李龍基與現任太太Chris Wong非常恩愛，李龍基更為怕先走一步，將名下7個物業全歸老婆名下，絕對是愛妻號。當時有傳Chris比老公細28年，但原來兩人相距近40年，Chris只年約30歲，實在是一段「爺孫戀」！而Chris多年來都非常低調，甚少於公開場合露面，不過畫藝出眾的她就不時為圈中人作畫，如石修、林夏薇等。日前她再贈畫給女星楊柳青，令其「真面目」意外曝光。

楊柳青於社交網大晒靚相，見她與一女子並列合照，透露是由「Chris」親手畫的，令網民推測該女子正是李龍基太太。翻查Chris的社交網，見她打扮青春、高貴大方，還有性感一面。而她亦不時化身「跟得夫人」，陪伴老公到電視城拍劇，又曾與新劇《十月初五的月光》的一班演員胡鴻鈞、何依婷及羅天宇等合照。楊柳青接受訪問時表示：「我同基哥喺拍《逆》時識嘅，嗰日基哥帶埋佢太太出嚟，我哋都係第1次見，基嫂好Nice，送咗呢幅超級靚嘅畫畀我，有好多人讚，Chris話佢畫咗一日咋。」

李龍基接受東網訪問時，承認相中人是Chris，大讚太太畫功勁，尤其畫他畫得非常神似，但只是業餘作畫，未有計劃開畫展：「係我太太畫嘅，我太太都幾ok嘅，尤其畫人像畫方面，啲神髓畫得幾好嘅。」提到去年（2020年）太太小產，問到會否再生BB，他說：「隨緣啦，我都咁嘅年紀，唔知仲有幾多日子，我依家嘅心態係順其自然，唔強求，我都成日同太太話我會『走』先過佢，佢傻到話到時會同我一齊『走』，正傻女。」談及何時與前妻離婚及再婚，他則不願多談：「一紙婚書，唔代表一世，若時機到，它就會出現嘅。」問到太太可是其粉絲，他只透露太太在美國長大，因愛飛機而考獲飛機師牌，亦喜歡他在台上唱歌，曾經花逾1,600元港幣買下其唱片《豹子膽》轉贈他。