《串椒3姊妹》再現江湖!梅小惠:全因與《東方》有緣

2021年06月24日 00:02
東網電視
更多新聞短片
憑三寸不爛之舌震懾娛樂圈的曾華倩、梅小惠及江欣燕,於2004年6月25日和《東方日報》合作打造的連載訪談欄目《串椒3姊妹》,內容夠爆夠辣,花生度爆燈,掀起全城熱話。同月同日,重現江湖,載譽歸來,本周五(25日)三位「50+姐姐」登陸《繽FUN星網》精心炮製的全新視頻節目《串椒3姊妹》,和一眾天王巨星口水擦出火花,一連10集,逢周五上線播放!由昔日的文字版訪問,變為今日的視頻節目,身為《串椒3姊妹》聯合監製的梅小惠,更是感受良多。
歲月匆匆,由17年前在《串椒3姊妹》中只擔任主持,到今天身兼主持及聯合監製的梅小惠,不變的是其投入及專業精神,在拍攝現場她比「一個打十個」的葉問更厲害,每一個細節如燈光、拍攝角度等全方位兼顧,加上歷時半年的創作及策劃,精益求精不獨是她工作的哲學,其全力以赴更是緣於對《東方日報》的情意結。
梅小惠說自小已見父母是《東方日報》的忠實讀者,一報在手,天下我有:「同《東方》有一份好微妙同深厚嘅感情,首先我本人已經估唔到,自己會有條件入娛樂圈,更加冇諗過喺全家都睇、自己由細睇到大嘅《東方》出現自己嘅新聞,個感覺真係好奇妙,當然更加估唔到17年前一齊做文字版嘅《串椒3姊妹》。」
17年後的今天以節目形式錄製,當年的美好回憶,今日的新鮮及興奮,對梅小惠來說,全是難忘可貴:「當年大家係畀個心出嚟,合力做好件事,讀者反應非常好;17年後,《串椒3姊妹》喺最多人睇、規模最大嘅娛樂生活資訊平台《繽FUN星網》重出江湖,感覺好新鮮同開心,最難得係嗰份一絲不苟、認真同專業,始終不變。」
今昔比照,要說變改,梅小惠笑言:「梗係我嘅身形,大咗1倍吖!我人生最瘦嘅一刻正正係17年前,最肥就係依家,無論肥或瘦,全部畀晒《東方》同《繽FUN星網》見證,哈哈!其實我唔介意身形係點,因為已經轉去幕後,今次出番嚟,雖然係肥嘟嘟,但都幾得意吖!」
未見其人,先聞其聲,梅小惠這位傻大姐的招牌「馬啼」笑聲,完全是我們的集體回憶。轉戰從事市場推廣工作多年的她,雖然做得有聲有色,是行內翹楚,但始終是大家忘不了的「開心果」。早前無綫深宵重播和周星馳合演的經典劇《他來自江湖》,大批網民紛紛留言:「梅小惠快啲出嚟拍戲!」、「好掛住佢啲笑聲,好耐冇聽過!」、「梅小惠~世上最美麗,到依家都記得呢句歌詞!」其實網民的聲音,她一直都知道。
梅小惠說:「咁多年嚟,好多人問我幾時再出嚟拍戲,其實今次我回歸幕前做《串椒3姊妹》,因為我好想將開心同歡樂,再次帶畀大家,見到大家睇得開心,我更開心,我哋需要快樂同正能量,節目唔單止係睇嘉賓嘅訪問內容,我好希望從中觀眾有得着之餘,仲可以娛樂大家!」
這位「開心果」既給大家歡樂,更是貼心待人,其中一集嘉賓是「福祿壽」王祖藍、阮兆祥及李思捷,碰巧拍攝前一日就是好友阮兆祥的生日,梅小惠和祥仔的經理人夾計送上驚喜預祝,雖然祥仔的確驚喜,但對她是「驚」大過喜,,她說:「我見祥仔個『拉錢蛋糕』唔係500蚊紙,就係1,000蚊紙,愈拉愈有,嘩!有冇咁多呀?有冇咁貴呀?要夾錢㗎大佬!早排我媽媽生日嗰個『拉錢蛋糕』都係100蚊同500蚊咋!好彩最後我只係畀蛋糕錢,哈哈哈!」
《串椒3姊妹》背後充滿情誼,笑聲滿載,身為嘉賓的影帝任達華,向來是攝影發燒友,突然技癢,化身為攝影指導親自拍攝,期間更向嘉賓之一的玄學家蘇民峰「挑機」,使出獨門的「把脈妙算大法」推測運程,他說:「你英國啲樓賺幾千萬,香港啲樓又賺幾千萬,真係好強勁!」蘇民峰一個反手捉着任達華的手腕,並即場活學活用:「嘩!你嗰啲直情係世界脈,發到發發聲!」而任達華也幫梅小惠把脈並說是喜脈,她即笑說:「係呀!師傅一早算到我今年生得,係生咗粒暗瘡!」