【宇宙最萌】原來係戲精！甄子丹攞正牌賣萌

「宇宙最強」甄子丹出名武功了得兼演技出眾，原來佢私底下亦係「戲精」一名，呢日佢同一眾粉絲拍片大玩「表情大挑戰」，由佢指導教做戲，演繹出唔同嘅表情，其中佢翹埋雙手、Chok爆露出囂張表情，表演出「拽（寸）」樣，在旁嘅粉絲亦跟住一齊「寸寸貢」，全場人「殺氣騰騰」，真係「壞過凱婷」。之後甄子丹又忘形哈哈大笑，不惜笑到面容扭曲，完全冇偶像包袱。

至於早前因聽唔明內地網絡用語「yyds」（以一打十）而被封「宇宙最萌」嘅佢，今次實行攞正牌「賣萌」，大擺心型手勢做出「超可愛」表情，果然係「最萌甄子丹」！