後宮佳麗5000！馬國明公然「講女」懶理湯洛雯

藝人馬國明近日正於內地登台演出，繼早前走遍廈門、橫店，最新一站佢就去到三亞，而令佢最難忘嘅，竟然係當地熱情如火嘅美女，佢更公然喺社交網「講女」：「三亞......陽光再猛......海灘再熱......都唔夠現場5000美女觀眾，謝謝你哋嘅熱情，謝謝！」非常大膽，唔知會唔會被女友湯洛雯（靚湯）扭耳仔呢？

但其實身為絕世好男友嘅佢一直都心繫靚湯，原來佢當日演出不但獻唱冧爆情歌《一生愛你一個》，靚湯更曾經喺直播表示好鍾意呢首歌，今次隔空示愛，靚湯都非常受落，仲喺社交網轉發片段力撐。