被袁偉豪插腳頭唔好　黃智雯：我哋成日互相踐踏！

藝人袁偉豪（Ben）與黃智雯現身無綫劇集《刑偵日記》宣傳，前者飾演心理醫生，表示角色需要觀眾慢慢揣摩：「表面證供嚟講，大家都估我係嗰個神秘人，但之後劇情進展就要令觀眾有一種錯摸。（角色好難演？）成日處於自己世界，忘我到不得了，整個氣氛都因而感覺沉重（返到屋企都唔講嘢？）都有同寶兒傾偈嘅。」智雯則指劇集拍得很凄美，如同可歌可泣的愛情片，令人印象深刻，更透露內地網民有心思，將她與浩信的感情戲份剪輯成如MV的短片。

談到Ben日前於節目《開心大綜藝》指拍檔智雯腳頭唔好，令他工作量大減，Ben笑指只是講笑，問到是否需要請食飯「賠罪」？他說：「唔使屈，開工嗰排都成日請大家食嘢。」智雯亦笑指兩人合作無間：「我哋會互相打鬧、踐踏，將對方人格踩到最低，之後再拉返上來，令對方覺得自己很好。」