同陳自瑤問鼎視帝后 王浩信唔係讚老婆演技好?

2021年06月24日 16:04
東網電視
更多新聞短片
視帝王浩信與姜皓文出席劇集《刑偵日記》宣傳,演有人格解離症的浩信,對於網友激讚他演出,大有機會問鼎3次視帝,浩信表示唔敢當,指新作尚未與香港觀眾見面,但能夠獲內地觀眾支持很感恩,寄望於香港播出時也獲好的回報,更指以往演過盲、搞笑,今次演人格解離,絕對是突破,提到若他奪第3次視帝便與已黎耀祥打平手,浩信說:「我會繼續努力,作為演員要好Humble咁講,多謝大家支持。」
談到太太陳自瑤今年工作表現突出,於新劇演女一,被指有力爭視后,浩信表示支持太太有好工作及角色,問到可有幻想與太太一同踏上頒獎台?他笑說:「我覺得對佢來講,任何獎項都值得恭喜,今年佢所有作品都表現得好好,努力咗好多年,尤其是配音好犀利,好多謝觀眾對佢嘅支持(你有鼓勵佢?)一定有,佢配音做得好好,好犀利,能力遠超於我,我唔夠佢來,要請教番佢。」
而他亦透露拍攝該劇期間活在兩個角色中,沒有王浩信,但也曾因花盡精力投入角色,結果要求停機一陣子:「我覺得自己停咗電咁,唔可以再拍,完全做唔到,好在監製佢哋都理解我嘅狀態。(點抽離番?)朋友同我講要不斷體會忘記,因為我成日要跳去另一角色,多啲望住塊鏡,提醒自己係王浩信,呢個就係呢套劇嘅有趣之處。」與影后惠英紅演母子的他,表示與對方演戲是最大享受,雙方亦有很好的互動。
至於姜皓文亦坦言與惠英紅演戲很穩陣,飾演憶妻成狂的他,不諱言難忘劇中太太陳煒:「劇入面我見到太太就會好軟弱同喊。」對於該劇於內地率先播獲不俗口碑,將於第11集才出場的姜皓文笑指有心理壓力:「未試過角色咁虐心,由拍完到依家,1年幾仲失眠緊,連跑步都跑唔到,開早班好辛苦。不過好難得同一班咁有熱誠嘅演員合作,仲要好齊心,去到現場已經準備好狀態。」