【串椒3姊妹】天王巨星駕到!終於有人治到曾華倩

20210625
東網電視
更多新聞短片
曾華倩、梅小惠及江欣燕今日登陸繽FUN星網全新視頻節目《串椒3姊妹》,相隔17年強勢回歸,依然口水多過浪花!梅小惠自揭最難忘竟是訪問男神余文樂,更率先大爆將有「華倩剋星」及「天皇巨星」大駕光臨,難怪三位「50+姐姐」嚴陣以待,即席敷Mask保養,以最佳狀態迎賓!
曾華倩、梅小惠及江欣燕於2004年6月25日和本報打造連載訪談欄目《串椒3姊妹》,載譽歸來,已變為「50+姐姐」的她們,於今日17周年紀念重出江湖,登陸繽FUN星網的全新視頻節目《串椒3姊妹》。身為主持兼聯合監製的梅小惠,花歷時半年策劃及創作,拍攝時現場任何細節如燈光、拍攝角度等都執到正,一切緣源對本報的情意結。
梅小惠說:「我同《東方日報》有微妙同深厚嘅感情,首先我估唔到自己會有條件入娛樂圈,更加冇諗過喺全家睇咗咁多年嘅《東方日報》出現自己嘅新聞,感覺好奇妙。以前做文字版《串》,今日喺規模咁大嘅《繽FUN星網》重出江湖,加上再同兩個姊妹合作,真係好夢幻。最大改變,梗係我大咗一倍嘅身形!」不變的還有其「馬啼」式的笑聲,早前其主演的《他來自江湖》深宵重播,網民說希望她重返幕前,她說:「今次回歸做《串》,因為我想再將開心同正能量帶畀大家!」
為隆重其事,三位「姐姐」在首集中激罕以私密睡衣上陣,又大嘆鮑魚麵作「開工飯」,排場十足。江欣燕自嘲昔日骨瘦如柴,如今卻要靠腰封收肚,並指梅小惠曾肥到似雪櫃:「你本來婀娜多姿,好對唔住,跟住變咗個雪櫃,同依家比,其實係瘦咗。」曾華倩則表示心態上不變,仍是昔日的「傻大姐」。
https://bit.ly/3zNDoZN A1香港及澳門總代理
數到上輯最深刻的嘉賓,梅小惠直指非余文樂莫屬:「嗰陣扮到靚一靚,特登搽晒指甲油,但原來余文樂最驚女人搽指甲油,我哋仲係咁摸佢,搞到佢開聲叫我哋縮手。」她們更率先大爆今輯嘉賓名單,其中一位男星更令曾華倩直呼「救命」,梅小惠說:「終於有人治到曾華倩啦!」面對強大陣容,豈敢怠慢,她們立即敷Mask「急救」,又指為怕走樣變「膠臉」絕不打針、動刀,誓做「不膠原」。
https://www.eaglesafes.com.hk/ Eagle Safes (米奇老鼠夾萬)
下一集打頭陣的嘉賓是「師奶殺手」陶大宇,究竟3位「姐姐」能否招架得住?就要留意7月2日於《繽FUN星網》播出的《串椒3姊妹》!