媽媽級水着戰！岑潔儀賢母Look VS 張韋怡火辣三點式

藝人岑潔儀（Zoey）已為兩子之母，但身材、靚樣依然得養得宜，佢喺社交網晒出多張遊船河嘅相。雖然呢幾日落雨天陰陰，但仍無阻佢出海嘅心情，見佢着上一件頭泳衣，頭紮孖辮，少女味十足，見佢就算同女友人出去享受閨蜜時光，都帶住兩位小情人同行，認真廿四孝媽媽！

相反，前落選港姐張韋怡（GoGo）就撇甩囝囝，同一班好姊妹到三亞旅行，呢位辣媽以香檳金色三點式上陣，喺泳池邊大擺甫士影相，3吋事業線大方任睇！網民讚佢係三亞女神，不過有人就話佢圓潤咗，提醒佢係時候要減肥喇。