范冰冰細佬拍HeHe新劇受傷　網友：到底咩劇情？

內地女星范冰冰細佬范丞丞由選秀節目入行，一轉眼佢都已經成為電視劇男主角，最近佢為新劇《左肩有你》進行拍攝，因為該為BL耽美劇（男性戀愛題材劇集），唔少人都因為范丞丞「下海」而特別關注。今日（25日）凌晨，該劇編劇就晒出多張花絮照，爆料指范丞丞拍攝時因為要減肥，日日食蛋白瘦身，更指因為拍攝某一場倒地片而令范丞丞受傷。

《左》工作人員爆料，指范丞丞需要扮被摔倒喺地上，為遷就鏡頭，范丞丞多次跌低都冇嗌辛苦，事後劇組先知原來佢已經受傷，不過選擇自己啞忍，直頭睇到粉絲去接機時拍片，見到范丞丞一拐一拐咁行路先知出事，即被大讚敬業。而佢嘅「另一半」王安宇亦拍到個口生晒痱滋，即被網友問到底佢兩個係要拍咩「激情」鏡頭而搞到周身傷。