同余德丞拍咀戲 張秀文認有生理反應:濕晒

2021年06月25日 23:40
東網電視
更多新聞短片
心跳加速同濕晒。
張秀文於劇集《欺詐劇團》中分別與余德丞及蔣家旻有咀戲,於今晚(25號)播出的一集,劇情就講到張秀文之初吻被余德丞奪去時,發現對方原來喜歡食蟲,因而得了「親吻恐懼」,大家就用盡方法希望她克服這個恐懼,當中包括蔣家旻與她咀嘴。
張秀文受訪談到余德丞扮食蟲一幕,她大讚對方很大膽:「全部蟲都大大條超生猛,佢真係放喺口邊扮食,如果唔覺意條蟲一掙扎係會跌入佢口,真係諗起都毛管戙。(咀佢有乜嘢感受?)冇感覺喎,雖然我哋識咗好耐但唔熟,佢真係我大學嘅同學,一齊去過法國做交流生,所以對佢完全冇男神嘅幻想,我諗佢對我都一樣。(咁會唔會有生理反應?)佢就冇,我就有,佢咁多粉絲,咀嘅時候我真係心跳加快同個背脊濕晒,始終場戲講我好鍾意佢,考演技㗎,真係非常緊張。」
至於蔣家旻的「SheShe」吻,她就讚女方「好錫」,但由於拍時要閉上眼睛,她一度「蝦碌」咀了對方的上唇:「不過,在場嘅敖嘉年反而話咁樣仲好,因為可以表達到我嘅角色對錫係幾咁陌生同唔在行。」