終於考到巴士牌！旨呈自爆差啲臨尾香

樂隊享樂團的主音旨呈早前參加ViuTV節目《學神出沒注意》中學揸巴士，但考試肥佬，本月25日他第2次挑戰，終成功考獲巴士牌，他說：「上次有啲失誤，因為我冇熱身，朝早仲拍完戲先趕來。今日好早我係第1個考，原本已經好緊張，本身蔡宛珊都考，但佢真係跟唔上決定放棄，今次我單刀赴會，冇咗個拍檔，加上又落好大雨，覺得成件事好危險。」不過他期間都發生蝦碌，考官全程好靜，他就專注揸車，考完停車時，他急不及待問考官，自己考成點，考官好cool回他一句：「考完啦！」他才醒起自己有做漏：「原來我未熄匙，將波棍推一波，開門畀佢落車，先至係完成，好彩佢提一提我，如果唔係我就臨尾香。」