「80歲」陳法蓉撞樣鮑起靜　那英變成咁…

變臉App大受歡迎，近期有唔少藝人鍾意用App玩特效變老，睇吓「80歲的你」係點嘅樣，當中有啲藝人變老之後，仲同老前輩撞樣，就好似陳法蓉咁，佢「老」咗個樣同影后鮑起靜係餅印，而佢就話自己似早年逝世嘅外婆，至於藝人溫兆倫就同「四哥」謝賢好似樣！

至於搞笑系列則有混血女星Maggie Q，佢變咗「80歲」後仍然不忘晒Cute爆表情賣萌，老人樣加上「港女十八式」甫士，連佢自己都忍唔住笑，至於內地天后那英嘅「老樣」就令人有種恬靜感，獲網友讚慈祥婆婆。