回春晒Deep V　Angelababy同賴冠霖玩禁忌之戀

工作狂Angelababy專心投入工作，懶理同影帝老公黃曉明嘅婚變傳聞，上星期先同熟男藝人喬振宇合作開新劇，估唔到人氣高嘅Baby今日（28日）就宣布又有新劇《愛情應該有的樣子》開機，佢更將會同人氣男神賴冠霖玩姊弟戀，真係睇到網友嗌驚喜！

現年32歲嘅Baby今次會同韓團Wanna One出身嘅19歲台灣藝人賴冠霖合作，新劇大玩女強人愛上陽光大男孩，兩個人年齡相差近13年，不過睇劇照就未見有「代溝」，反而情侶Feel極濃，兩個一時孖公仔睇戲食爆谷，一時又玩枕頭大戰，其中一張劇照更見到佢哋頭貼頭相互依偎睇夕陽，官宣兩個小時，「Angelababy賴冠霖演年下cp」話題即刻有逾320萬閱讀量，果真威力驚人。

唔知係咪近得小弟弟多，Baby尋日（27日）出席品牌活動時，都即刻「回春」罕以Deep V公主裙見人，仲狀態大勇容光煥發，令人眼前一亮。