晒Andi艷照控訴 吳綺莉心痛卓林慘被犧牲?

20210628
東網電視
更多新聞短片
藝人吳綺莉同女兒吳卓林關係時好時唔好,同「新抱仔」Andi關係更加係麻麻,曾經公開寸爆Andi唔做嘢,要靠卓林養!而2020年1月時,卓林同Andi被影到喺街邊窮捱三文治,仲入住尖沙咀嘅廉價賓館,生活窮到燶,至今差唔多一年已經冇卓林嘅新消息。
雖然吳綺莉同女兒關係緊張,但佢仲係心繫對方,上年11月卓林21歲生日時,吳綺莉都有發訊息祝賀,但卓林只係已讀不回,可見兩人關係仲係麻麻!今日(28日)吳綺莉突然喺社交網上載3張截圖,相片中一名女子着住性感衣物,擺出大膽動作Pose,畫面令人咋舌,其實相片係Andi喺2017年時上載。而吳綺莉呢個post,令好多朋友或網友留言問係咪放錯相上網!
吳綺莉意有所指咁留言:「感謝您,用人的生命去換取你的得着,感謝您的教導,感謝天父、感恩每一天。」話有玄機,尤其「生命去換取」的字眼,明顯是指有人利用女兒卓林,並要她以「換命」方式來犧牲自己,從中獲益。由於其發文令不少網友關心卓林的近況及安危,吳綺莉接受東網訪問時表示:「純粹係發洩,見到啲相靚咪分享吓囉!」
近年已很少主動提及卓林的吳綺莉,把思念愛女之情寄託在寵物及植物上,同時令其獨居生活可叫作有多一點色彩,而她更常常有感而發,認為動物及植物是最忠誠及有良知。日前她上載貓咪相及植物照,並先後留言:「雖然他們不懂說話,但是動物是最忠心最善良的一群,珍惜牠們對你的信賴,無論任何時候都不能放棄他們。」、「人其實得一種,只是看你剩下的良知有多少。」