孔德賢自認No Big鵰　盛勁為質疑有人裝假狗？

藝人盛勁為、孔德賢參加《明星運動會》游泳項目50米自由式及4X50米接力賽，現場群「鵰」出沒，穿着藍色泳褲的孔德賢以「不德鳥」姿態激「凸」搶FO，相反機師出身、令女士充滿遐想的盛勁為雖然以三角泳褲上陣，但卻由三維空間跌入二維空間，「小勁勁」居然變為「消失鳥」！

盛勁為接受東網訪問時說：「比賽都幾激烈，我唔係游得好叻，但讀書時參加過泳隊，最近每星期都有操。（有冇專登操肌？）因為嚟緊要拍劇，所以都咁啱操緊，但操極都唔夠大隻。」說到「小勁勁」消失了，他笑言：「吓！游水唔係着三角泳褲咩？我以為個個都係，着長褲會阻水，我真係冇同人夾過！（但你反而冇激凸喎！）我都唔知點解喎！唔鍾意裝假狗啩！我又冇檢驗其他人有冇塞嘢入去。」

而向來是運動健將的孔德賢參加了多個項目，而游水是出賽前一晚才參加，他說：「好在我隊友盛勁為超勁，佢自由式好快，所以成績都唔錯。」他又指泳褲是當日叫同事幫手買：「點知佢買咗條咁緊身，我就唔着三角褲，獻醜不如藏拙啦！（依家做咗無綫鵰兄喎！）鵰仔得喇！哈哈！」