扮演印傭出色！朱斐斐全靠「姐姐」幫手

藝人朱斐斐於劇集《寶寶大過天》內扮演「印尼姐姐」，幫馬國明及岑麗香「湊女」。其演出更引起觀眾注意，演技獲得認同。她今日（29日）低胸打扮出席劇集宣傳活動，與劇內的形象大相逕庭。談到今次扮印傭，她笑說：「有日喺度睇劇本，有同事話可以介紹佢嘅印尼姐姐畀我識，我就將對白叫佢講1次畀我聽，然後錄音，我返去練。雖然浪費咗唔少時間，但值得嘅。」

談到劇中的樸素妝容，她表示：「化咗個底妝，畫眉同補吓唇色。為貼近印尼姐姐嘅膚色，要用馬國明嘅底妝顏色幫手。其實我都有試過落中環行個圈，觀察到印傭姐姐嘅言行舉止較誇張。」至於未來工作，她將同時接拍劇集《隱形戰隊》及《童時愛上你》，相信有排忙。