吳若希揭老公火機香煙隨屋放　被批冇危險意識

歌手吳若希（Jinny）出名「妻管嚴」，不時公開鬧爆老公何兆鴻（Alex），呢日佢就拍片抱怨老公經常將火機、香煙隨屋亂放，並留言笑指：「一睇就知我老公亂中有序同埋佢真係好鍾意同人慶祝生日啦。本來我的化妝枱和廁所都有一個，不知道是被工人姐姐整理了，還是畀何生攞走了，唔食煙嘅人，應該呢一世都唔會明點解屋企要喺唔同地方收埋咁多火機！」雖然Jinny原意只係想呻吓老公「冇手尾」，但就引起網民批評，指二手煙對小朋友有害，打火機等危險物品亦不應放喺小朋友接觸到嘅地方。