向「師姐」吳若希挑機！炎明熹唱《越難越愛》失威

無綫歌唱選秀節目《聲夢傳奇》年僅16歲嘅參加者炎明熹（Gigi），未贏先紅，唱功備受肯定，喺第7集中演唱《沒有你還是愛你》嘅片段短短上載1個月已超過176萬瀏覽次數，仲獲譚詠麟「點登」，人氣強勁！最近佢再向「師姐」吳若希挑機，翻唱其代表作《越難越愛》，不過就竟然兩度忘詞失威，唔記得「（還是）越難越愛」、「（命途）沒法割開」，但勝在技術搭夠，最後佢似乎唔多滿意表現，激氣大嗌「呀…」，但網民就大讚可愛！

而同樣跑出嘅姚焯菲（Chantel）及鍾柔美（Yumi）都有挑戰，兩人演繹近乎完美，唔少人都話希望佢哋同吳若希同台合唱添呀！