忆9年前往事！何雁诗被李家鼎当众问有冇“扑嘢”

艺人李家鼎有“四大恶人”之称，多饰演恶人角色而深入民心，但其实佢私底下非常和善，仲深得后辈爱戴，呢日艺人何雁诗就晒出同李家鼎嘅合照，指第一次拍剧时就遇上呢位前辈，对方经常讲笑，更大爆曾于公开场合大讲“有味笑话”，竟然当众问有冇“扑嘢”，佢笑指：“第一次拍剧（9年前）已经遇到鼎爷呢位前辈，以前有听人讲话鼎爷好恶呀，但系同佢合作之后发觉佢只系有要求加严谨。鼎爷从来无闹过我，甚至成日同我讲笑，最记得佢之前系公司sales presentation 好多人面前问我最近有无‘扑嘢’，原来佢问紧我最近有无打golf嗰种。”

佢续指喺对方身上学到唔怕挨苦嘅精神：“总之呢，最紧要对自己有要求，做嘢唔好hea，个个都可以进步，好似鼎爷咁，好多前辈都系一步一步挨出嚟，唔好心急，加油呀！”