同冼靖峰拍拖?《聲夢》詹天文親解初戀之謎
20210630
東網電視
更多新聞短片
喺《聲夢傳奇》被淘汰嘅15歲學員Windy(詹天文),被傳撻着同屬紅隊嘅23歲學員Archie(冼靖峰),喺Windy未被foul前,已經被影到一個Headphone兩份聽,早排仲拍拖斷正,Archie被發現夜訪Windy將軍澳屋企。而Archie開Live時又請Windy加入,雖然女方忙溫書準備應付考試,但都傾足成20分鐘。
日前Windy就喺香閨開Live自揭其初戀之謎,當佢講「主理人」李克勤重提佢減咗30磅去參加比賽時,佢就諗起啲辛酸史忍唔住爆喊,但啲網民就唔太關心佢係肥定瘦,只不停留言問:「你男友係咪冼生?」、「波哥(Archie暱稱)呢?」、「Archie is your boyfriend?」、「快啲同波哥拍拖」等,佢就好大方咁講:「最多人問我有冇拍拖,我喺呢度講一聲:冇,我冇拍拖!因為我依家呢個年齡,我覺得係要以夢想同學業為主,所以我係冇拍拖嘅。」佢仲做出個斬西瓜嘅手勢,相當可愛,不過似乎有Archie嘅粉絲呷醋,留言話:「你傷害死波哥啦,成日黐住波哥,扮嘢。」不過Windy時運高,咁啱低頭睇梗另一部平板電腦,所以沒有留意。