洪天明湯盈盈兩大愛人生日　周家蔚晒陳年舊照祝賀

藝人洪天明今日（1號）47歲生日，作為老婆嘅周家蔚特意於社交網上載錫錫嘅合照冧老公，結婚多年依然恩愛如昔，同時「七魔女」好姊妹湯盈盈尋日（30號）亦46歲生日，周家蔚藉此一同出Post，晒出洪天明與湯盈盈舊照，發文向兩位愛人表白：「手心又係肉，手背又係肉，生日都前後腳。日日見都可以好掛住嗰隻！Happy Birthday to my 2 besties！！！」相片質素像數低，加上周家蔚同湯盈盈smokey eyes妝容，相信至少10幾年前拍下，唔少網民戥佢哋嘅友誼高興：「知己和情人長伴身旁，珍而重之。」