不對外開放區域被人潛入　吳亦凡賽車隊發聲明譴責

大陸富二代男星吳亦凡家底富裕，身份多多，除咗係音樂人同老闆，仲係賽車手，早前仲成立埋車隊，即係又做老闆，版圖不斷擴張！而近日，就有人潛入車隊不對外開放嘅參觀區域，仲與吳亦凡賽車合照、喺網上曝光賽車內部細節！

吳亦凡賽車喺社交網發聲明，表示得悉事件後，已第一時間展開調查，確認並未委託該不明身份人員進行賽車拍攝活動，喺收集證據後，迅速向警方報案。並強烈譴責外部人員嘅違法擅闖行為，會保留法律追究權利。