為李居明獻出第一次　呂珊：真係徹夜難眠！

玄學家李居明主理的粵劇《共和三夢》在新光戲院首演，同劇演員龍貫天、呂珊等一同進行敲鑼儀式。李居明表示今次是粵劇界與歌唱界的合作，其中從未演過話劇的呂珊更把首次演粵劇的經驗獻出給他，呂珊坦言很高難度：「今次真係徹夜難眠，多謝大師大膽用我呢個新人，我好似初生嬰兒咁學習，榮幸可以演出中國文化古曲，試咗今次非常有興趣，希望之後仲有機會再演出。同埋我成日唱嗰首《夜來香》，原來係中國文化嘅古曲，好配合今次劇情。」龍貫天就透露今次一人分飾四角，坦言換裝的時間性及角色都要處理，而對於之前獲頒「藝術家年獎」，他開心獲得鼓勵。

另外，李居明透露新光的10年約還有約半年就約滿：「去到明年3月，依家仲未知會唔會延續，同業主傾緊，呢年半因為疫情都停晒，希望業主可以減租，依家仲傾緊，欠佢好多錢。（呢2年冇錢賺？）不嬲冇乜錢賺，睇蝕多定蝕少，一直都係赤字，我就係將算命嘅錢蝕喺新光。」他又謂如果新光不能延續，這裏就會變成教會，坦言這10年很艱辛，希望業主及大家可以繼續支持粵劇。