為食而撻着？李沁自爆去重慶住肖戰屋企

內地流量小生肖戰同曾合作大熱劇《慶餘年》嘅上位小花李沁，因為被發現面對面食火鍋而傳緋聞，喺未被踢爆「戰沁戀」前，李沁喺一個訪問中，好似食咗誠實豆沙包咁，自爆同肖戰好Friend，每次去重慶，必定去男方家鄉嘅家中暫住，不過男女共處一室，唔係因為拍拖，而係另有原因，佢話：「肖戰雖然看來很高冷，但實際也是一個吃貨，他真係對重慶的一些美食瞭如指掌，每次去重慶的時候，肖戰都會帶我去品嘗各種各樣的美食，同時也會帶我去一些比較好玩的地方，我比較宅，覺得和他一起時，心態也年輕了很多。」

兩人志趣相投，原來結緣於「為食」。更有知情人士稱，肖戰曾親教緋聞女友講重慶話，而李沁語言能力高一學就識，加上喺劇中又有對手戲，又食吓又傾吓，自然特別易撻着。