黃文意《寶寶大過天》做任性新抱：好想攬娥姐

「10億千金」黃文意在無綫熱播劇《寶寶大過天》飾演任性的年輕媽媽，被網民大讚演得入型入格，她表示：「呢個角色心智停留喺17、18歲，完全冇責任心，成日鍾意玩，然後畀個仔人哋湊，但唔係心底壞，只係思維好細路女。」她透露之前有集更細蝦大趕走「奶奶」商天娥：「劇入面話我扔哂娥姐（商天娥）雜物去蝦佢，然後娥姐喺樓梯喊，睇完嗰場戲，我覺得自己好似真係趕走咗佢咁，所以之後如果宣傳見到娥姐好想攬番佢！」她坦言今次是首次與對方合作，笑言其實私下對住對方很怕醜：「所以我諗嗰場戲可能都有震驚到佢，其實佢對我好好，成日請我哋食嘢，同埋佢知道我對住前輩演呢類型嘅戲可能會怕，所以佢鼓勵我，等我可以好放心咁同佢做戲。」