余潔滢為7月壽星家姐媽咪生日　同Tiger注定係一對？

藝人余香凝（Jennifer）細妹余潔滢（Zoe）爆出同人氣男團MIRROR成員Tiger因拍攝劇集《男排女將》擦出愛火，不過事後Tiger否認戀情，但就狂讚對方！另邊廂，Zoe就晒出「四個女人一個墟」合照，為同樣7月生日嘅家姐及媽咪慶祝生日，並留言：「一次過慶祝媽媽同家姐生日?仲記得細個因為全家都7月生日，我覺得自己係執返嚟嘅！?」Jennifer就透露媽咪1號生日，本身自己預産期都係一樣，結果佢遲咗4日先出世，又笑言：「現在你們三個都屬牛，你們才是一伙的，我是局外人?」

而網民都八卦Zoe係咪同Tiger拍拖：「聽講你同Tiger拍拖喎！」雖然當事人冇回覆，但有心水清嘅網民就話：「Tiger都係7月生日！」正正係今日（3日）生日，唔通真係一家人，命中注定係一對？有冇咁橋呀？