有前又有後！伍樂怡晒美腿優質股　打開心口露線頭

2017年港姐最後5強之一嘅伍樂怡（Kelly），因為似「小龍女」李若彤而為人認識，社交網有唔少「仙氣」靚相！今日（3日）佢趁住好天氣出海，着上長袖泳衣嘅佢大晒美腿及優質股，有前就當然有後啦，佢仲坐喺船上擺出Pose打開心口微微烏身騷線頭，睇嚟嫌大家唔夠熱，再火上加油，辣㷫大家！

另外，佢又上載同鄺潔楹合照，祝賀對方尋日（2日）29歲生日，兩人坐喺架粉紅色跑車上對住大海影相，雖然得個背脊，但都露出纖腰，相當養眼！Kelly又留言感謝對方出現喺自己生命中，最黑暗嘅時期一直陪伴喺身邊！而鄺潔楹就晒出身穿黃色長裙嘅獨照，雖然性感欠奉，但甜美笑容搭夠！