帶仔女撐汪峰個唱 章子怡為老公淋足成晚

2021年07月04日 11:17
東網電視
更多新聞短片
國際女星章子怡為汪峰先後誕下一女一子,愛夫心切嘅佢幾時都將家庭擺第一位,尋日(3日)汪峰就喺家鄉蘇州開個唱,估唔到章子怡就被拍到帶埋一對仔女現身,場面溫馨。開騷前,有粉絲一早去到現場等見偶像,點知就畀佢哋見到章子怡帶住阿仔熙熙、囡囡醒醒現身汪峰演唱會現場,照片中,戴帽及身穿黑色雨衣嘅章子怡,一手拖實身穿粉紅色雨衣嘅醒醒同熙熙,表演時汪峰又自爆:「孩子們都坐在下面!」。
不過今次演出喺露天場地,咁啱個騷就喺雨中順利完成,成家人冒雨觀看老竇演唱會,演唱會Mon上又出現章子怡嘅畫面,明顯淋咗成晚,呢個老婆真係唔話得呀!