見證英格蘭贏波！湯告魯斯邀請好友睇歐國盃慶生

荷里活巨星湯告魯斯（Tom Cruise）上月被傳確診新冠肺炎，消息傳出後靚佬湯一直未有回應。不過今日英國有報道指前日（3日）59歲生日的他邀請好友一同睇波慶生！

據知靚佬湯生日當日捧英格蘭場，邀請幾位好友到他位於英國Biggin Hill的新居所一同睇歐國盃英格蘭大戰烏克蘭來慶祝他生日，最後更見證英格蘭贏波！有消息人士指雖然他是美國人，但他本身有英國人血統，並在當地逗留了好長時間。

查實靚佬湯向來熱愛足球，他年少時曾加入學校足球隊之外，亦多次到球場睇波。其中2012年，他到英國曼徹斯特宣傳電影《烈探狙擊》（Jack Reacher）時，都專誠去球場睇曼聯對戰曼城的打吡場。