【索過朱茵】《九品芝麻官》翻拍！女主角超「胸」猛

周星馳為大家製造咗唔少集體回憶，其電影作品至今依然為人津津樂道，唔只翻睇再翻睇，仲翻拍又翻拍！1994年上映嘅《九品芝麻官之白面包青天》，早年曾傳出會翻拍，並由影帝古天樂主演，不過最後冇成事。而喺今年頭，就有套網絡電影《極品芝麻官》誕生，並由陳浩民擔成男主角，但冇周星馳加持下，結果慘不忍睹！而最近，大陸方面宣布開拍同名《九品芝麻官》電影，角色同劇情都會跟足！

咁男女主角係邊個？男嘅係彭禺厶，相信大部分香港人都感到陌生，不過佢有唔少作品，曾獲得網絡大電影最佳男主角等殊榮，而女仔就係台灣前《黑澀會》成員、90後演員林妍柔，因為身材出眾而備受關注，曾出演網絡電影《射鵰英雄傳之降龍十八掌》，獲封「史上身材最好黃蓉」，唔少網民話佢索過當年嘅朱茵添，唔知今次飾演戚秦氏，能唔能夠撼贏當年嘅張敏呢？

雖然今次依舊冇星爺參與，但據指當年有份拍攝嘅苑瓊丹及黃一山都會演出，重演當年經典角色！