蔡嘉欣同男友酒店開房　見光死都要「曬」

藝人蔡嘉欣由KOL轉戰選港姐入行，雖然落敗三甲，但簽約無綫後工作機會多多，一直擔任節目《姊妹淘》主持，惟近日節目宣布停播，稍為空閒嘅佢趁住唔使開工，孖住男友到位於尖沙咀一間五星級酒店Staycation享受假期，仲喺出名華麗嘅雲石浴室嚟個指定動作對鏡Selfie，蔡嘉欣着上黑色喱士裙，黑bra若隱若現！

之後轉移到泳池曬日光浴，不過佢有獨特曬太陽方式，竟然係披住毛巾咁曬，見光死咁！見佢着上白色一件頭泳衣大晒身材，玉背任睇，就算名花有主都唔吝嗇晒Body，夠晒大方。