菊梓喬公開擇偶條件 揀型男定暖男?

20210706
東網電視
更多新聞短片
菊梓喬大談擇偶條件。
歌手菊梓喬(Hana)、鄭欣宜、陳柏宇、連詩雅、林欣彤、葉巧琳及男子組合天堂鳥,今晚(6日)現身電城錄影節目《勁歌金曲》。其中Hana受訪時表示會獻唱新歌、熱播劇《刑偵日記》的片尾曲《不相信別人》,雖然她於劇集中段才出現,但自爆已偷睇晒全部演出集數,覺得幾得意,又重提新歌MV邀請到在劇中有對手戲的姜皓文擔任男主角,笑言之後都想繼續Keep住同型男合作:「係型男就得,有佢哋先會多啲人睇我嘅嘢,次次都淨係睇我都悶啦!(揀男友都要型男?)我本身鍾意暖男多啲。(係唔係外貌協會?)覺得心地善良重要過外型,就算佢髮量少都唔介意,可以戴假髮嘛,哈哈!」續自爆已單身一段時間,時間長到要以「年」來計算,之前曾着急拍拖,不過現時改變想法:「隨緣,相信會有,夾硬要係唔會有好結果。」
唔同後生鬥
提到歌唱比賽《聲夢傳奇》進入大直路,快將舉行總決賽,問到她可有留意學員表現?心水學員又是那一位?Hana大讚每位學員都有個人特色,表現得好好,追問新一輩彈起有否令她感到受威脅?她大笑話:「算啦!我呢啲姐姐,唔會同啲後生鬥,亦唔關事,係兩個層面。」想嘗試做導師?她自言未夠資格:「我係好講感覺,歌唱技巧係擺得後過感覺,唱到個感覺先係最緊要。」