抑鬱症發作肥咗30磅！姜紫藍做乜突然醒覺？

早年轉做作家嘅姜紫藍（Color）原定2017年與圈外男友劉瑞庭結婚，惟婚禮取消兼分手收場。向來以Fit爆身形見稱嘅佢，早前抑鬱症再度發作，竟然肥咗30磅，令佢曾一度收埋自己：「結唔成婚個打擊其實對我好大，可以話係我人生低點，當時以為自己可以捱過去，但其實係唔得！」

Color突然有日醒覺，發覺唔可以再肥落去，用咗3個月時間減肥，終於重拾昔日苗條身形，她說：「肥咗30磅，我覺得個身體已經畀咗個警號我，唔可以再等到肥咗90磅先嚟減，所以我有一日突然好似醒覺咗，決心要減肥！（點樣減？）要有超強大意志力，同埋我食少咗好多嘢，戒晒澱粉質同糖分，但我本身又唔鍾意食肉，所以就靠食菜囉。每日亦會做簡單嘅瑜伽，同埋150下深蹲。」