【Girls Talk數最差男友】譚嘉儀林穎彤泳池晒線

星夢歌手譚嘉儀及林穎彤（Bella）係同門師姐妹兼好閨蜜，近日佢哋孖住去酒店Staycation，除咗大歎下午茶，當然少不免要去泳池影番張打卡相呃like啦！見佢哋齊齊以比堅尼上陣，挨喺池邊托頭擺Chok甫，兼夾出線頭，大晒有料身材！之後佢哋輪流互影，譚嘉儀繼續正面「胸」襲，Bella就轉玩「背多Fun」晒玉背，一樣咁有睇頭。

此外，佢哋又着住浴袍喺池邊談心，講到遇過最差嘅男朋友，Bella自爆曾被男友背叛偷食韓妹，而譚嘉儀則指曾有一任男友經常無理取鬧，就連簡單至揀着咩衫都可以發脾氣，令佢大感無奈。