自爆被迫「跟」郭富城出甫！熊黛林升Cup箍實老公

名模熊黛林（Lynn）雖然同舊愛郭富城各自有幸福家庭，同樣已有兩個囡囡，但不時都會被人相提並論，被網民指鬥晒幸福，前後腳喺社交網放閃，令佢試過嬲爆發文還擊。最近，佢接受訪問時就罕有公開談到呢個話題，佢話唔知「尾隨」城城出Post，出完就算唔會睇番，而且自己好懶，只係公司叫佢出，有時見佢好耐冇Post過嘢就會叫佢Update吓社交網，而且有啲日子係無可避免，好似囡囡生日咁！講到當年「情敵」苟芸慧疑婚變，Lynn就避談話唔關佢事！

另外，現年40歲嘅佢愈嚟愈Fit，佢就自爆閨房樂，直言老公郭可頌見到佢咁索都熱情咗好多，對方眼神、感覺都唔同晒，仲話做咗人母後，升Cup去到34C，但被經理人投訴胸大手腳瘦。雖然依家狀態大勇，但原來做全職媽媽時曾經迷失，因為囡囡好黐身，自己就開始Hea唔化妝，所以依家着番靚靚見人就成個人有番自信，仲話老公唔會?女，眼中只有佢一個！