方力申執靚個樣出發東奧　唔打得都睇得！

東京奧運會舉行在即，無綫將派出方力申、吳業坤、周奕瑋及陳約臨到日本直擊採訪，早前周奕瑋表示尚未有確實出發時間，而今日（7日）陳約臨終於在社交網發文，透露將在9日後起行：「去奧運採訪係我嘅主持夢，仲有9日出發，仲有9日就可以實現，仲有9日就可以踏足東京，好好感受，認真投入，香港運動員加油！」

至於曾在採訪奧運會時與葉璇互寸而「名留青史」的方力申，早前坦言主持陣容個個都精通日文或英文，令他大感「淆底」，故他在出發前亦準備充足，到美容院做Facial執靚個樣，他表示：「下星期就去奧運！做傳媒，去到要自己化妝，依家準備好啲，到時皮膚好啲，自己搞到容易啲！」實行「唔打得都睇得」。