組合MIRROR人氣王姜濤魅力沒法擋，男女老幼一律通殺，就連2歲小妹妹都係「姜糖」，近日有網民上載2歲女兒唱姜濤嘅歌曲《蒙著嘴說愛你》嘅片段，並留言：「我個女可能係全香港最細粒嘅姜糖。」估唔到偶像姜濤都有留意，竟親自於社交網轉發片段大讚可愛，仲話想認佢做女：「來做我女兒吧！」

而近日有「鏡佬」開設「我老婆嫁咗畀MIRROR導致婚姻破裂關注組」訴苦，網民即笑指姜濤此舉或會再觸動該小妹妹嘅爸爸：「仲挑機，佢老竇真係會殺咗你」、「搶完人哋老婆搶埋人哋個女」、「嘩，你公然挑戰人哋老公喎」。

去到晚上，姜濤上載小妹妹嘅片段，再留言：「答應了～她說她願意。」姜濤做老竇喇！