孫儷「女兒」大翻身！16歲朧月公主撇甩娘味晒青春

2011年由孫儷及蔡少芬等主演嘅大陸電視劇《後宮甄嬛傳》當年紅遍中、港、台，最近劇集被網民重提，除咗孫儷被指耍大牌外，當年飾演佢個大女、年僅6歲嘅「朧月公主」楊心儀因為有唔少戲份而令人留下深刻印象，但就慘被取笑「鄉下來」，最近佢突然更新社交網，力證「女大十八變」呢句說話！

佢上載多張喺郊外影嘅多張獨照，留言：「心儀16歲的某一天」佢紮上孖辮、着上背心中褲，擺出唔同甫士影相，同當年佢喺被指娘爆、醜女嘅形象差好遠，好有鄰家女孩Feel！網民都大讚：「變成公主了！」「妹妹好美好純，愛了愛了！」、「 正是青春呀！」、「看好你哦！」