711嫁洪永城　梁諾妍要視像斟茶畀未來奶奶

藝人梁諾妍（Inez）今日（8日）晒長腿出席東港城活動，親證「7·11」跟男友洪永城（Tony）的婚期，大日子將至，問到會否緊張？她笑話未緊張，因為每日都忙於工作及籌備婚禮，明天（9日）還有全日Shooting：「忙到星期六先有時間放假剪、染頭髮，最後衝刺！」笑問最終是否跟Tony對調着婚紗及西裝？她笑說提議不被接納，繼而大爆Tony比她更貪靚：「佢除咗日日Full Mask，又戒澱粉Keep弗之外，仲話要買一啲快速生頭髮嘅洗髮水，因為佢想嗰日蠟頭，我有叫佢戴假髮㗎！我唔介意㗎！佢冇頭髮都OK㗎！係真愛！之前佢影結婚相成日都覺得個髮型爭啲啲，咁我惟有讚佢其他部位。（例如？）讚佢單眼皮幾單咁囉，哈哈！」

問到為何如此趕急舉行婚禮？Inez解釋2月求婚後就即刻籌備婚禮：「其實7月都揀咗幾日嘅，一知婚禮放寬至50人就決定嗰個日子，驚之後再縮番20人，但我啲親戚喺澳門嚟唔到，Tony媽咪喺台灣都返唔到嚟，到時視像斟茶。（有請圈中人？）有，通知得切，大家都好錫我哋。」