林青霞被張艾嘉奪去女一之謎　原來衰身高...

「大美人」林青霞和張艾嘉都是影壇代表人物，她們的作品都膾炙人口，各有自己的粉絲。導演陳勳奇在短片頻道中大爆影壇秘史，講到當年林青霞被張艾嘉奪去女一之位，原來有段古，他說：「當年李翰祥開拍《金玉奇緣紅樓夢》，選咗兩位女星做男女主角，因為黃梅調電影男主角都會係由女星反串，呢兩位女星一個係林青霞、一個係張艾嘉，原本林青霞係做林黛玉，而張艾嘉就演賈寶玉，點知兩個一齊試造型，一拍埋，咦！林青霞高張艾嘉半個頭喎，咁就只好將佢哋嘅角色掉轉，出嚟嘅效果都好好。」陳勳奇仲話如此一來，亦改寫了林青霞的演藝人生，令她拍了不少受歡迎的反串角色包括《笑傲江湖2之東方不敗》等。

陳勳奇亦談到當年王家衛拍攝王菲、梁朝偉主演電影《天下無雙》時，曾致電他求救，原來他想陳勳奇幫手把黃梅調歌曲加入《天》片，陳勳奇說：「這次很困難，而王家衛就差唔多拍完先搵我，仲要過兩日就拍王菲同梁朝偉嘅對唱戲。」幸之後陳勳奇都能排除萬難幫對方作曲，總算完成任務。