蔡思貝免疫系統失調　入院醫風瘌

藝人蔡思貝於無綫新劇《廉政行動2022》中飾演一名又COOL又型的ICAC探員，衣着、打扮都甚型格，現時思貝同時為無綫及邵氏共兩部關於ICAC題材的劇集拍攝，雖然辛苦，但她坦言很喜歡。思貝謂：「我鍾意喎！我好鍾意流汗感覺，以前啲人成日問我係咪有多動症，以前我會率性到未埋位時，喺條街度拉筋做運動，依家就會有番少少矜持。」

本來《廉》劇中思貝有場要追小巴的戲份，不過原來之前拍邵氏ICAC劇時，她傷及舊患，所以劇組亦安排遲些才拍這場戲，思貝謂：「我都唔知拉傷咗邊度，未有時間睇醫生，不過之前我都入咗醫院，因為我出風瘌，醫生話係免疫系統失調。」