孖靚靚張智霖出巡最搶眼　14歲魔童俘虜姐姐心

男神張智霖（Chilam）同老婆袁詠儀（靚靚）平時最鍾意孖住行街街，大方又貼地嘅佢哋成日都會被偶遇，估唔到有內地網友今次嚟香港行街都巧遇佢兩公婆，今次仲「加餸」有14歲仔仔張慕童（魔童）同行，即刻迷到網友頭暈暈！

之前靚靚喺社交網晒過阿仔近照，大家都知佢依家已經高過老竇，被網友大讚有潛力做男神，原來佢仲好鬼親民，真係直擊網友心。今次網友偶遇，晒出同Chilam二人合照外，佢更晒出偷拍佢哋一家三口嘅「集郵相」，只見Chilam低頭撳電話、靚靚周圍望等車，但係魔童就Nice爆望鏡頭兼揮手，一頭攣毛更分外吸睛，連老竇企喺隔籬都即時失色，難怪網友話雖然從來未見過魔童，都畀呢位小鮮肉吸引咗注意。