張沛樂孖保錡睇奧運主攻?女：都係睇人啫

女星鄧月平與張沛樂（沙津）於旺角鬧市出席香港開電視「東奧」宣傳活動，出動流動展覽車播放「歌神」張學友為奧運會獻唱的主題曲MV，並為今日60歲生日的學友隔空送上蛋糕。

前者透露為配合奧運，近日也喪做運動，排球、羽毛球、打拳也玩齊，日前更連續5小時打羽毛球，結果打到手瘀：「因為支拍成日撞到，又成日殺波，不過都好開心。奧運會梗係會睇，最鍾意睇排球同跳水，細個係排隊校隊，覺得好刺激同精采，嗰時都幻想過努力啲入港隊，可惜我唔係精英。」

而沙津則笑指鍾情?女，故屆時主力睇體操及跳水：「由細到大都鍾意睇，因為呢兩個項目動作好優美。（到時同男友保錡一齊睇？）未同佢經歷過一齊睇，唔知佢鍾意咩項目，等今晚返去問吓先！（男友都係鍾意睇女仔？）又唔覺特別鍾意。（咁會唔會鍾意睇仔？）又冇乜所謂，都開心，都係睇人啫！」