謝芷倫出海晒40吋長腿：I will be back

夏日炎炎最好就係出海喇！藝人謝芷倫（Mandy）最近都出海鬆一鬆，身高達1米71嘅佢，絕對可以稱得上係高妹，既然係高妹當然就有一雙長腿，佢穿上黑白兩件頭泳衣，輕靠於遊艇邊，大晒40吋美腿，而一向就做開運動嘅佢，腰間仲見到有馬甲線，身形Fit到漏，佢留言話早前受傷已經康復：「天曬黑是定律吧！比賽拉傷咗醫生叫我休息幾星期，I will be back! Wakesurfing，玩住啲唔使用腳嘅運動先，例如係賽艇、帆船、golf、仲有啲咩呢？」