「失蹤」1個月！迪麗熱巴終於蒲頭引百萬留言

擁有新疆血統嘅內地女星迪麗熱巴，一舉一動都備受網民關注，今日（10日）佢喺社交網上載9張獨照，身穿綠色碎花上衣配牛仔褲嘅佢喺林中漫步，完美融入大自然當中，好有清新田園風味！

佢又擺出多個甫士，一張雙手托面照已迷倒萬千網民，短短半日已經過百萬留言，雖然佢對上一次晒生活照只係對上一個月（6月）生日嘅時候，但粉絲朝思暮想形容佢做「失蹤人口」，非常誇張！而唔少網民留意到佢手上拎住盒蛋糕，究竟佢係同邊個食呢？