破天荒！戴祖儀有望成首位無綫藝人亮相ViuTV

歌手戴祖儀出席無綫慈善節目《明愛暖萬心》，提到早前為節目《#後生仔傾吓偈》出海拍攝，笑指大夥兒早於兩年前已構思一起出海開船P，沒料要等到上星期才可實現：「嗰日好多人有小意外，好似游嘉欣?損手，馮盈盈?損腳趾，水上活動都係少不免（咁你有冇畀仔?？）全部都係後生仔，6號（陸浩明）就唔好喇，成日覺得佢會閃婚。」

早前為《明星運動會》參加籃球及田徑比賽兼主持，笑指跑步期間幻想被男仔追，令她不斷喪跑：「最後我仲拎埋獎，同埋最近拍新劇《廉政狙擊》曬黑咗好多，尤其係上司黃宗澤，佢穩重又幽默，一Cut機就令到成組人都好開心。（你鍾意呢類型男仔？）成熟穩重絕對係我理想型。（畀佢電親？）就算佢冇電我，我都不停被電親，佢連拎住手提風扇都好似慢動作咁，有時都撩佢傾偈，但佢通常叫我走開。」

身為星夢嘅戴祖儀，早前與環球歌手涂毓麟（Oscar）推出跨公司合唱歌《我們再不講再見》，有指佢哋會孖住上ViuTV音樂節目《Chill Club》宣傳新歌，佢將會成為首位現身ViuTV嘅TVB藝人。環球唱片公司發言人表示，Oscar和戴祖兒嘅《我》的確有派往ViuTV，至於兩位歌手會否亮相《Chill Club》，雙方仍未落實。而星夢行政總裁何麗全指旗下歌手如獲邀出席《Chill Club》會再商討細節。

戴祖儀回覆東網時表示：「暫時未收到任何通知，可能要問番公司先知，當然如果有機會的話，我都很樂意！任何可以宣傳新歌的渠道都歡迎。」